Impakaammo ni Rafael Serrano, ti Burnham Lake Fishing Tournament Organizer a nakaawat daytoy iti surat manipud iti concerned citizen seknan iti maipatpatungpal a fishing tournament.
Iti pannakiuman iti Bombo Radyo kenni Serrano, imbinglayna a nakalanad iti surat a ti Burnham Park ket tagikua iti gobierno kasta met a makweskwestyunaran ti panagsingir daytoy iti P500 para iti registration iti nasao a torneyo.
Gapu iti dayta, inlawlawag ni Serrano a saan a libre ti fishing permit ken maar-aramat ti P500 a registration fee para iti premyo a maipaay kadagiti mangabak.
Innayon ti nasao nga opisial a dumanon iti P10,000 ti premyo, trophies a dumanon iti P3,600, P4, 800 para iti appreciation plaque ken adda pay dagiti dadduma a pagkasapulan dagitoy.
Inyunay-unay ti nasao nga opisial a kurang pay dagiti masingsingir a registration fee para kadagiti amin a mabusbos iti nasao torneyo.
Impetteng ni Serrano a ti fishing tournament ket maysa nga sports ken mangipaay iti liwliwa rason a saan a maipasardeng daytoy.
Insingasing met ni Serrano ti indibidual a nangipaay iti surat a makipaset iti nasao a torneyo tapno malawlawagan daytoy.//mp4
