BAGUIO CITY- Maur-uray pailaeng agingga iti agdama ti posible a panakaipatungpal ti baro a wagas iti panagkolektar ti basura iti Baguio City.
Sigun ken GSO head Eugene Buyucan, ur-urayenda pailang ti feasibility study ti lokal a gobierno a naipatungpal seknan iti baro a wagas ti panagkolektar ti basura.
Inlawlawagna a nakalanad iti pannagadal nga agbayad dagiti umili ti P10 tunggal 10 a kilo ti basura a maala kadakuada ken kanayonan a lima pesos tunggal kilo a sobra iti 10 kilo.
Kinunana a nasken pay nga urayenda ti resulta ti pannakatalantan daytoy kadagiti barangay ken konseho tapnu mabigbig no sinno ti rumbeng a mangtimbang ken agkolektar iti basura kadagiti masakupanda gaputa adda ti porsiento wenno bingayda iti makolektar a garbage fee.
Inlawlawagna a puntirya daytoy a plano a maisuro kadagiti umili ti umno a panangisina ken panagresiklo ti basura.
Innayunna a babaen iti daytoy ket maksayan ti kaado dagiti basura iti siudad a maibiahe kadagiti transfer areas ken posible a bumaba ti gastos ti lokal a gobierno.
Iti agdama ket dakkel pailaeng dagiti saan a mai-segregate a basura nga isupay a mangpadagsen iti timbang ti basura a mangitunda iti nangin-ngina a babayadan.
