Impakaamo ti Commission on Population and Development (CPD) a posible a magun-od ti rehiyon Cordillera ti “population aging” wenno ti panagado ti populasyon dagiti natataengan inton tawen 2026.
Ti “population aging” ket maipapan iti panagngato ti persyento ti populasyon dagiti natataengan nga agtawen iti innem a pulo agpangato.
Gapu iti dayta, ti bilang dagiti agtutubo wenno dagiti agtawen iti sangapulo ket lima agpababa ket bumasbassit.
Sigun kenni Commission on Population and Development (CPD) Regional Director Cecile Basawil, nadanonen ti probinsya ti Abra, Kalinga ken Mountain Province ti aging population dagitoy bayat a ti probinsya ti Apayao ket magun-odna ti aging population daytoy inton sumaruno a tawen ken ti siudad ti Baguio ket inton tawen 2026.
Kabayatanna, ti probinsiya ti Ifugao ken Benguet ket addaan pay laeng iti “younger population” rason nga inton tawen 2034 ti aging population ti Ifugao bayat nga inton tawen 2035 met iti Benguet.
Iti manamnama a panagado dagiti populasyon dagiti natataengan, impeksa ni Basawil a nasken ti panagaramid kadagiti nagduduma a programa kas panagsagana iti daytoy.
Maad-adal met nu kasao nga agbalin nga independent dagiti natataengan iti laksid ti edad dagitoy tapno agtalinaed dagitoy a “financially capable.”
Sigun pay iti Commission on Population and Development (CPD), manamnama nga inton tawen 2030 ket maikonsidera nga addan iti aging population ti pagilian a Pilipinas.
Kabayatanna, kinuna ti United Nations a ti population aging ket maysa kadagiti kaimportantean a social transformation iti 21st century.
Maibasar iti World Population Prospects 2022, ti panagado ti bilang dagiti natataengan iti sangalubongan ket iti nagbaetan ti tawen 2022 agingga 2050.
