Naituding a maiyuswat inton sumaruno a tawen ti Panagbenga Coffee Table Book kas paset ti 30th anniversary ti Baguio Flower Festival.
Sigun kenni Anthony De Leon, BFFI Execom Chair, laonen ti nasao a coffee table book dagiti umno a pakaistoryaan wenno pakasaritaan ti flower festival.
Innayon met ni Baguio Flower Festival Inc. President Freddie Alquiros a maiarig daytoy kas photojournalist book a mangipakpakita iti compilation dagiti ladawan bayat ti naipatpatungpal a Flower Festival kadagiti napalpalabas a tawen.
Malaksid iti dayta, impeksa ni De Leon a manamnama a manayunan dagiti prizes para kadagiti sumagmamano nga aktibidad a maipatungpal kabayatan ti nasao a piyesta.
Imbinglay pay ni De Leon a manamnama pay ti mas ad-adu a partisipasyon ti publiko kadagiti community led-events.//Bombo Genzel Depayso
