Agtultuloy latta ti panagturong dagiti bisita, turista ken dadduma pay iti munisipyo ti La Trinidad, Benguet iti baet ti mapaspasaran a panagtutudo.
Iti interview ti Bombo Radyo kenni kenni La Trinidad, Benguet Councilor Belmer Elis, kinunana a pagaayat dagiti turista a paspasyaren ti Benguet State University Strawberry gapu ta kayat a maimatangan ti pudpudno nga itsura daytoy.
Maragsakan met daytoy agsipud ta adu latta dagiti turista, saan laeng nga iti strawberry ti paspasyaren dagitoy agsipud ta adu met dagiti nakalukat a tourist destination sadiay.
Nupay kasta, inaklonna a bimmaba ti bilang dagitoy no idilig kadagiti napalpalabas a bulan, ngem namnamaenna manen a ngumato daytoy partikular ta umadanin ti christmas season.