Mangrugin ita nga aldaw ti panagkampanya dagiti kandidato nga agngayangay iti nasional a puesto.
Gapu iti dayta, manamnama nga adu ti maisayangkat a proclamation rally, motorcade, ken political pitch tapno maallukoy dagiti botante a makipaset ken mangpili kadagiti kayatda a partido wenno indibidual nga agbalin a lider.
Masansan a maibilang a referendum iti agdama nga administrasion ken ti direksion ti pagilian.
Ti eleksion inton Mayo 12 ket mangbutos iti nasurok a 18,000 a puesto iti intero a pagilian.
Iti sidong ti pagannurutan ti Commission on Election (Comelec), ti campaign period para iti national candidates a kas ti senador ken party-list groups ket mangrugi iti Pebrero a onse.
Ti lokal a posision met ket mangrugi inton Marso baente otso ken agtaray agingga Mayo a deiz.
Pakabuklan a 75,940,535 a Pilipino ti agbotos, nangatngato iti sangapulo a milion a nakarehistro a botante manipod iti eleksion idi napalabas a tawen 2022.
