Saan nga irekrekomendar ti Bureau of Quarantine (BOQ) iti sidong ti Department of Health (DOH) ti panaka-restrict ti panagbiahe ita nga agraraira ti Nipah virus iti sabali a pagilian partikular idiay India.
Sigun iti nasao nga ahensya, awan ti international recommendation nga ingetan dagiti border movements.
Nupay kasta, impanamnama ti nasao nga ahensya nga agtultuloy latta ti panagmonitorda iti sitwasyon ken panangipatungpalda kadagiti protocol maitunos iti pagalagadan ti World Health Organization(WHO).
Iti baet a saan mairekrekomendar ti travel restriction nangruna dagiti agturong iti ballasiw-taaw, impetteng ti nasao nga ahensya ti heightened awareness maipapan iti nasao a virus babaen iti public education.
Mainaig iti dayta, kinuna met ni Department of Health (DOH) spokesperson Dr. Albert Domingo nga awan pay ti nadetek dagitoy a Nipah Virus iti Pilipinas sipud 2014 ngem agtultuloy latta ti panagmonitor ti Epidemiology Bureau.
