Impetteng ni David Michael San Juan, miembro ti Tambayan ayaw sa magnanakaw at abusado network alliance convenor a kangrunaan nga ipukkaw dagitoy iti ipatungpalda nga anti-corruption rally inton bigat ti panangisardeng iti korapsyon.
Daytoy ket kasaruno dagiti naibutaktak a korapsyon kadagiti naanomalyaan a flood control projects.
Iti panakiuman ti Bombo Radyo kenni San Juan, kinunana a daytoy ti nasken nga ipukkawda nangruna ta adu dagiti natakaw a pundo iti Pilipinas.
Mangrugi met dagitoy nga agparada iti 7 iti agsapa paturong iti Luneta Park sadiay Metro Manila no sadino mangrugi ti programa dagitoy iti 9 iti metlaeng agsapa.
Pakipasetan dagitoy dagiti nagduduma a grupo pakairamanan dagiti estudyante, riders, biker groups, social media influencers, nagduduma a simbaan ken dadduma pay.
Impettengna nga ipukkaw pay dagitoy ti panakaisardeng ti political dynasty ken dadduma pay a pakaseknan iti pagilian.
Inyebkasna metlaeng a maipatungpal ti nasao a rally iti baet nga adda dagiti imbestigasyon iti senado gaputa adu metlaeng kadagiti adda iti senado ti nakaawat iti kickback.
Kinunana a limitado laeng ti hearing nangruna ta karaman metlaeng iti korapsyon dagiti opisyal a mangim-imbestigar iti nasao nga isyu.
Nupay kasta, kiddawna kadagiti opisyal a seryosuen dagitoy ti ipatpatungpalda nga imbestigasyon.
