Karit kadagiti Election Officer iti Munisipyo ti Itogon dagiti panangpalagipda kadagiti supporters dagiti kandidato.
Kasaruno daytoy iti kinaadu dagiti supporters a saan nga agtungtungpal iti pagalagadan.
Iti pannakiuman ti Bombo Radyo kenni Rhyenaldo Oliva, Election Officer idiay Itogon kinunana nga adu dagiti supporters a kinumkumpormi dagiti pangikabkabilanda kadagiti poster materials.
Gapu iti dayta, dumanon iti 155 a campaign materials ti nakompiskar dagitoy kabayatanna ti National Baklas idi napalabas a lawas.
Iyunay-unay ti nasao nga opisial nga apaman a saanda paylaeng nga agtungpal, maipaayanda iti notice mangrugi intun sumaruno a lawas.
Posible metlaeng a mapilaan dagitoy iti kaso no saanda nga agtungpal kalpasan ti 72 nga oras manipud iti panakaipatulod ti notice kadakuada.
Kabayatanna, kinuna ni Oliva a kaaduan a pakaikabkabilan dagiti campaign materials ket kadagiti poste, waiting shed, terminal dagiti lugan, kayo ken Wirings.//mp4
