Napaay ti Philippines Men’s Football Team a makastrek iti Fédération Internationale de Football Association (FIFA) World Cup 2026 Qualifiers.
Daytoy ket kalpasan nga inabak dagitoy ti Indonesia iti skor a 2-0 iti ay-ayam dagitoy a naangay iti Gelora Bung Karno Stadium idiay Jakarta, Indonesia.
Gapu iti daytoy, nakastrek ti Indonesia para iti sumaruno a round iti World Cup Qualifiers.
Malaksid iti dayta, nakastrek pay ti Indonesia iti 2027 AFC Asian Cup idiay Saudi Arabia kalpasan a maikadua dagitoy iti Group F kasaruno ti Iraq.
Kabayatanna, nagleppas ti Pilipinas iti qualifiers iti maysa a puntos iti uneg ti innem nga ay-ayamda babaen iti 1-1 a draw kontra iti Indonesia idi Nobyembre idi napalabas a tawen a naangay iti Rizal Memorial Stadiumn idiay Metro Manila.
Napaay metlaeng dagitoy a makastrek iti FIFA World Cup kalpasan a naabakda iti 3-2 nga skor kontra iti Vietnam idi laeng napalabas a lawas.
Iti baet dayta, manamnama a makisalipda latta para iti third round iti qualifiers para iti 2027 Asian Football Confederation (AFC) Asian Cup.//Rose
