Dinutukan ni President Ferdinand ”Bongbong” Marcos Jr. ni Presidential Adviser on Peace, Reconciliation and Unity Secretary Carlito Galvez Jr. kas pannakabagi ti Pilipinas iti Global Peace Summit idiay Switzerland.
Inwarawag daytoy ti Presidential Communications Office (PCO) ita nga aldaw.
Saanen nga inlawlawag ti nasao nga opisina ti rason ti presidente a saan a makipaset iti Ukrainian summit.
Maipalagip a ni Ukrainian President Volodymyr Zelenskyy ti nangibaga a ti Pilipinas ket makipaset iti peace summit a maangay manipod Hunio a kinse agingga disi sais.
Iti kaudian nga IISS Shangri-La Dialogue, kinuna ni Zelensky a ti diplomasia babaen iti “peace summit” ket kasayaatan a wagas tapno agleppas ti gubat idiay Ukraine a nakatayan ti rinibribo iti nasao a pagilian idi tawen 2022.
Iti report ti Switzerland idi napalabas a bulan, nasurok 50 registrations manipod iti nasurok 160 delegations ti naimbitaran para iti summit.
Karaman kadagiti pagilian a nagkumpirmar a makipaset ket ti South America, Africa, ken ti Middle East.
