--Ads--
Naobserbaran ti panagngato ti presyo dagiti sumagmamano a highland vegetables kadagiti trading areas idiay Benguet kagiddan ti mapaspasaran a saan a nasayaat a sasaaden ti panawen gapu iti severe tropical storm Kristine.
Maibasar iti kaudian a monitoring ti Benguet Agri-Pinoy and Trading Centers ita nga aldaw, dumandanon iti P50 agingga P95 ti presyo ti tunggal kilo ti carrot, P46 agingga P52 ti repolyo, P50 agingga P55 ti wombok ken P45 agingga P51 ti patatas.
Agtaltalinaed met a nababa ti presyo ti sayote a dumandanon iti P15 agingga P16.
Nupay kasta, posible nga agbaliw dagiti nadakamat a presyo depende iti suplay, demand, ken kaado dagiti buyers.
