Ngimmina ti presyo dagiti nateng nangruna dagiti bulbulong gapu iti panagdalapus iti bagyong Kristine.
Sigun kenni Andres Arnold Lampacan, General Manager ti Benguet Agri-Pinoy Trading Center, ngimmato dagiti presyo ti natnateng ita nga aldaw a posible pay a ngumato kadagiti sumarsaruno nga aldaw gapu kadagiti naapektaran iti Bagyong Kristine.
Impetteng met dagiti sumagmamano a vendors iti nasao a trading center, a saan a simmangpet dagiti stockda gapu iti panagreggaay iti sumagmamano a kalsada paturong iti trading Center.
Nupay kasta, kinuna pay ni Lampacan a kagiddan dagiti mapaspasaran nangruna iti panawen ti panagbabagyo, namnamaenna a tagiragsaken latta dagiti umili dagiti nateng tapno agtultuloy latta ti panangiturong dagiti mannalon kadagiti naapitda.
