BAGUIO CITY- Pinaglibakan ni Honarable Arthur Carlos ti Barangay Captain ti Irisan, Baguio City, dagiti agwarwaras a sayanggusing nga adda ti insumbitir daytoy a revision mainaig iti agdama a matartarimaan a baro a barangay hall dagitoy.
Iti interview ti Bombo Radyo kenkuana, kinuna nga adda lang ti bassit a suhestionna iti daytoy nupay kasta saan a nagbalin a lapped daytoy tapno saan a maituloy ti nasao a barangay hall.
Sigun kenkuana saan paylaeng a nalpas ti nasao a pasdek agsipud ta saan a sinurot ti contractor ti deadline isu’t gapuna a naisubli ti P17 million a nabati iti pundo para iti daytoy.
Maipalagip a naipaay ti P50 million manipud iti national government para iti pannakatarimaan ti nasao a barangay hall.
Gapu iti daytoy, kiddaw ti nasao a kapitan a maipalpas daytoy tapno adda usaren ti intero a masakupan ti barangay.
Kabayatanna, nangipaay ni Mayor Benjamin Magalong ti kanayunan a pundo tapno maituloy ken maipalpas ti nasao a barangay hall.
Iti agdama, agarup 75% paylaeng ti naipalpas iti daytoy.
