BAGUIO CITY- Manamnama a maipatakder ti Senior Center wenno pagaywanan center iti siudad ti Baguio.
Iti interview ti Bombo Radyo kenni Baguio Councilor ken Atty. Lourdes Tabanda, kinunana nga agserbi daytoy kas pagaliwakasayan dagiti senior citizen iti siudad.
Sigun kenkuana, mabalin nga agturong ditoy dagiti senior citizen iti siudad.
Ti nasao a Senior Center ket maaddaan iti nagduduma nga aktibidad kas iti zumba, board games ken dadduma pay.
Malaksid iti dayta, maaddaan metlaeng daytoy iti nurse.
Iti kanito a maaprobaran daytoy, maipaayan daytoy iti pondo.
Innayon ni Councilor Tabanda a babaen iti daytoy ket makatulong iti mental health dagiti senior citizen.
Iti agdama, mapinpinal paylaeng ti nasao nga ordinansa para iti pormal a pannakaipila daytoy.//mp4
