BAGUIO CITY – Inpannakel ni Philippine Drug Enforcement Agency – Cordillera (PDEA-CAR) Regional Director Gil Castro iti 100% a balligi ti kampanya kontra iti iligal a droga iti rehiyon.
Sigun ken Castro, ti balligi dagitoy iti kampanya kontra iti iligal a droga ket nagresulta iti ngimmato a bilang dagiti barangay iti rehiyon a naidekalara kas drug cleared, pannakaarestar dagiti high value targets a mang ap-apektar kadagiti barangays, pannakakumpiskar dagiti dadakkel a gatad ti iligal a droga a kas iti shabu ken marijuana
Kinunana a nagun odda daytoy babaen iti tulong dagiti lokal a gobierno.
Dinakamatna a nailista pay ti rehiyon ti kababaan a bilang dagiti drug-affected barangays a dumanon laeng iti 65 wenno 5.56% manipod iti pakabuklan a bilang dagiti barangay iti rehiyon.
Kagiddan iti dayta, impeksana a babaen iti agtultuloy a pannakibinnadangda kadagiti nagduduma nga ahensya iti gobierno ket masolusyonanda ti nabatbati a parikot iti iligal a droga iti rehiyon partikular iti pannakaipababa ti demand ken supply.
Mangnamnama daytoy a babaen iti nasao nga stratehiya ket magun od ti rehiyon ken iti pagilian ti drug free community agingga inton 2040.
