Impetteng ni Deputy Speaker ken Antipolo Representative Ronaldo Puno a napagdesisyonan ti House leaders iti House of Representatives nga isubli ti singasing a P6.7 trillion 2026 national budget iti Department of Budget and Management (DBM) gapu iti “erroneous entries”.
Sigun kenkuana, nadiskubre-da ti seryoso ken sistematic anomaly partikular iti Department of Public Works and Highways (DPWH), Department of the Interior and Local Government (DILG), Philippine National Police ken iti Department of Agriculture.
Kinunana a saanda a marugyan ti deliberasyon iti daytoy no adda dagiti anomalya ken dagiti questionable budget allocations iti daytoy.
Kagiddan dayta, kiddawna iti Department of Budget Management (DBM) nga aramidenda ti trabaho dagitoy ken nasken a naadal a nasayaat ti budget proposal sakbay a naisumitir iti House of Representatives.
