Mairekreklamo dagiti sumagmamano a taxi barker nangruna sadiay Abanao Square, Baguio City.
Daytoy nga issue wenno reklamo ket naalaan iti video ken naipablaak iti social media.
Nupay kasta, inlawlawag ni Daryll kim Longid, dadaulo ti Public Order & Safety Division (POSD) nga awan ti linteg wenno ordinansa a mangregulate ken mangipawpawil ti taxi barker, kayatna a sawen a saan nga illegal dagitoy.
Dagiti taxi barkers ket maipalubos nga agawat kadagiti tips wenno dagiti boluntaryo nga ited dagiti pasaheros la ketdi saan a pilit.
Sigun kenni Longid, adu ti naawat dagitoy a report a dagiti taxi barkers ket mangpilpilit dagitoy kadagiti pasaheros kasta pay nga un-unaenda a paluganen dagiti mangted ti dakdakkel a gatad.
Mainaig iti dayta, nakatungtung ken nabagaan metten ti Public Order & Safety Division (POSD) ti association ti taxi barkers ngem saan a maliklikan dagiti indibidual a makikappeng ti grupo dagitoy.
Impeksana pay a pinadasda a tiniliw ken inturong iti Police Station 7 ngem awan ti linteg, wenno ordinansa a nalabsing a mabalin a maipataw kadakuada.
Kabayatanna, inlawlawagna pay nga agkurkurang ti tao dagitoy ken saanda amin a mabantayan dagiti pagbarbarkeran dagiti taxi barkers gapu ta manarimaan paylaeng ti panagtulong dahitoy iti brigada ken dadduma nga aktibidad dagitoy.//Bombo Noveh Organo
