--Ads--
Binallaagan ni Acting Mayor Benny Bomogao dagiti agtutubo kalpasan dagiti sumagmamano nga insidente ti pammagsol a nakairamanan dagiti agtutubo iti siudad ti Baguio.
Iti interview ti Bombo Radyo kenkuana, kinunana nga agbalin kuma dagitoy a namnama iti pagilian saan a sakit iti ulo.
Agpakpakaasi metlaeng daytoy tapno saan a madadael ti masakbayanda kasta metten dagiti masakbayan dagiti dangdangranda nga indibidual.
Innayonna pay a nasaysayaat ketdi no makigimong dagitoy tapno ad-adda a maisurwanda iti nasayaat.
Kabayatanna, kidkiddawen latta ti presensya dagiti pulis nangruna kadagiti pagaladan tapno mabantayan dagiti estudyante sadiay.
