BAGUIO CITY – Dumanonen iti 90 a porsiento ti narekober ti lokal a gobyerno ti Baguio a tagikua ti siudad nga inokupar dagiti nagduduma nga establishimento iti sentro ti Baguio.
Sigun kenni City Administrator Engr. Bonifacio Dela Peña, manarimaan itan ti beripikasyon dagiti narekoberda a disso no tagikua metlaeng daytoy ti siudad.
Imbinglayna a kalpasan ti beripikasyon ket mangipaaydan ti surat kadagiti establishimento a nag-okupar kadagitoy.
Impettengna a saan a dagos nga irekoberda dagiti disso nga inokupar dagiti establihimento gapu iti kinakurang ti pondo ti lokal a gobyerno.
Nupay kasta, iti kanito nga addan ti pondo manipod iti Department of Public Work and Highways ket marugyanen ti panagrekoberda kadagitoy kas paset ti recovery program ti lokal a gobierno kadagiti sanikua daytoy nga inokupar dagiti pribado nga indibidual wenno organisasyon.
