--Ads--
Balligi a naipatungapal ti Tapey Festival sadiay Barangay Irisan, Baguio City idi laeng agsapa, October 17, 2025.
Naipatungpal daytoy iti Barangay Multipurpose Building sadiay metlaeng.
Ti nasao a pyesta ket opisyal a nangrugi idi napalabas a tawen kalpasan a nagbalin nga ordinansa daytoy.
Iti panakiuman ti Bombo Radyo kenni Arthur Carlos, kapitan iti nasao a barangay kinunana a ti 1st tapey festival ket naipatungal iti tourist spot a naipasdek iti masakupanda a lugar.
Innayonna pay a ti nasao a festival ket maysa a wagas tapno mapreserba ti kultura dagitoy.
Namnamaenna metlaeng a makaawis pay daytoy iti ad-adu a turista iti siudad ti Baguio.//Bombo Noveh Organo
