--Ads--
BAGUIO CITY – Natalgeden ti kasasaad dagiti 13 nga indibidual sadiay Ifugao a naispal kalpasan a napupuk dagitoy iti nagsina a lugar sadiay.
Maibasar iti report ti pulisya, siyam nga indibiduyal ti napupuk iti deppaar ti Ibulao River sadiay Bulao ken Sanafe iti munisipyo ti Lamut.
Naamuan a napanda kinita ti pagmulaanda idi simmardeng ti tudo ngem napupukda idi killaat a ngimmato ti lebel ti danum iti Ibulao River.
Naispal met ti uppat nga indibidual iti deppaar ti Calupaan Riverside sadiay Pugo, San Juan, Alfonso Lista kalpasan a napupukda sadiay.
Naamuan a bambantayanda ti maysa a heavy equipment idi killaat a ngimmato ti lebel ti danum sadiay.
Dagus met a nagresponde dagiti pulis ti Ifugao para iti panakaispal dagitoy.
