Agbalbalin a pakaseknan ti umad-adado a basura iti kaunaan a Living Street idiay Carantes-Perfecto St., Baguio City kalpasan a nailukat daytoy iti publiko idi Hunyo 4 iti agdama a tawen.
Iti panakiuman ti Bombo Radyo kenni Daryll Kim Longid, Chief ti Public Order and Safety Division iti siudad ti Baguio, kinunana a kagiddan ti panagbalin a nalatak ti living street iti siudad ket kasta met nga umad-adado dagiti basura a maibatbati ken maiwarwara.
Gapu iti dayta, makidkidaw ti kooperasyon ken panakitinulong ti tunggal maysa tapno mapatalinaed ti nasao a kalsada kas living street.
Nupay kasta, impeksa ni Longid nga agtultuloy ti panagmonitorda iti nasao a lugar.
Kabayatanna, kinuna ni Longid a nu adda ti budget ket mapangpnaggep a manayunan ti silaw iti kaunaan a living street iti siudad tapno mas aglawag daytoy tunggal rabii a mabalin a mang-allukoy kadagiti turista kasta met kadagiti residente a bisitaen daytoy.//Bombo Mera Pacpacan
