Naannayas a naipatungpal ti umuna nga aldaw a panakipatungpal ti Commission on Elections (COMELEC) checkpoint sadiay Tabuk City, Abra.
Iti panakiuman ti Bombo Radyo kenni Atty. Gustavo Dalen, Election Officer sadiay Tabuk City, Kalinga, impakaamona nga ita nga election ket nagsinukat dagitoy kenni Atty. Reyman Solbita iti election area a bantayan nu sadino manipud Bangued, Abra ket nadeploy daytoy sadiay Kalinga nga agpatingga inton Hunyo a onse ita a tawen.
Sigun kenni Atty. Dalen nga iti panakairugi ti election period sadiay Tabuk City, Kalinga ket generally peaceful daytoy rason a nabigbig daytoy kas green category.
Mangnamnama met ti nasao nga election officer nga agtultuloy ti panakakategorya ti Kalinga iti green category.
Adda met a timmulnog dagiti motorista iti maisaysayangkat a checkpoint nu sadino awan ti napasamak nga untoward incidents nu diket ti laeng panaglabsinda iti saan a panagaramat iti helmet ken saan a panagramat iti proper attire.
Kabayatanna, impeksa ni Atty. Dalen a ti maysa a karit a makitkitana sadiay Tabuk kagiddan ti umadanin nga eleksyon ket nu kasano dagitoy a mai-transport dagiti ballot box ken dagiti Automated Counting Machines.//M
