Nagturong dagiti kameng ti Philippine National Police’s Criminal Investigation and Detection Group (PNP-CIDG) ita nga aldaw iti pasdek a kukua ti Kingdom of Jesus Christ (KOJC) tapno iserbi ti warrant of arrest kontra iti dadaulo dagitoy a ni Apollo Quiboloy idiay Davao City.
Naiserbi daytoy iti alas singko ti agsapa iti Kingdom of Jesus Christ (KOJC) Dome iti Buhangin District.
Immanamong ti legal counsel ni Quiboloy ken dagiti otoridad a sumrek ti uppat a bunggoy a bukbuklen ti innem a personnel a mangsukimat iti nasao a lugar.
Inaklon dagiti otoridad a marigatanda a maiserbi ti warrant of arrest gapu iti nagado a mangsupsuporta kenni Quiboloy nga agur-uray ityi ruar ti compound.
Impaganetgetda a ti nasao nga addang ket nairanta a mangbutbuteng ken mangpilit kenni Quiboloy, a sumangsango iti kaso babaen ti Section 5(b) ti Republic Act 7610 wenno ti Special Protection of Children Against Abuse, Exploitation, and Discrimination Act ken iti babaen ti Section 10(a).
Ti kaso ket naipila idiay Davao ngem pinatgan ti Korte Suprema a maiyakar daytoy iti korte ti Quezon City tapno magun-od ti hustisya.
Sumangsango metlaeng ni Quiboly iti kaso Qualified Human Trafficking a “non-bailable” iti sidong ti Section 4(a) ti Republic Act No. 9208.
Nupay kasta, immunan a pinaglibakan amin dagitoy ni Quiboloy.
Iti agdama, naka-stand by dagiti kameng ti otoridad sadiay.
