--Ads--
BAGUIO CITY – Nakemmeg ti dua a maatap a drug pushers ditoy siudad ti Baguio iti buy-bust operation nga impatungpal dagiti otoridad sadiay Tacay ken Guisad Road itay laeng nabiit.
Nabigbig dagitoy da Micheal Beniasan Uyaan ken Dinky Joy Bumal-o Tabora.
Nakumpiskar kadagitoy ti 10 a pakete ti mapapati a shabu nga aggatad iti agarup nasurok P30,000.
Nakumpiskar metlaeng manipud kadakuada ti cellphone ken lugan a naarmat iti transaksion.
Adda itan iti kustodiya ti pulisya dagiti nakemmeg nga indibidual a sumangsango iti kaso a panaglabsing iti RA 9165 wenno ti Comprehensive Dangerous Drugs Act of 2002.
