Dumanonen iti uppat a simbaan idiay Benguet ti nagbalin a biktima iti panagtakaw iti nagduduma a “liturgical vessels” a nangrugi pay idi bulan ti Enero, sigun iti Diocese of Baguio.
Iti Urgent Security Notice, imbutaktak iti nasao a diocese a sumagmamano a kagawaan iti liturgical ti natakaw manipod iti Conversion of St. Paul Parish idiay Tuba, Benguet; Immaculate Conception Parish Church idiay Sablan, Benguet; Our Lady of Fatima Parish Church idiay Itogon, Benguet, ken St. John Don Bosco Parish Church iti siudad ti Baguio.
Karaman pay kadagiti natakaw ket dagiti candle stand, censer ken boat, dagiti kagawaan iti altar server, incense boat, ordination chalice.
Kidkiddawen iti diocese iti publiko nga ipadamagda kadakuada ti aniaman nga impormasion seknan kadagiti natakaw a kagawaan.
Iti abiso, impetteng ti nasao a simbaan a nu adda ti ilako dagiti saan nga otorisado a nagtaudanna, wenno aniaman nga impormasion seknan iti mapukpukaw a kagawaan, nasaysayaat nu makikoordinar iti Curia Information Office wenno iti maseknan a simbaan.
Kabayatanna, imbilin iti nasao a diocese iti amin a simbaan iti Benguet a papigsaen ti seguridad kadagiti sagrado a kagawaan ken liturgical a kagawaan.
Kidkiddawenna metlaeng iti amin a 34 a simbaan nga ingetan dagiti protocol iti panagtalinaed iti seguridad kadagiti kagaawaan.
“Hinihikayat namin ang lahat ng parokya na suriin ang kanilang security protocols at tiyaking ang mga sagradong kagamitan at liturhikal na gamit ay ligtas kapag hindi ginagamit.”
Diocese of Baguio
