Baguio City- Maidiadiaya ita ti prototype modeling and 3d printing training programs ken certifications manipud iti Technical Education and Skills Development Authority wenno Tesda Cordillera.
Dagitoy a kurso wenno programa ket nadisenyo tapno mangipaay iti industry-standard skills para iti digital fabrication, design, ken product prototyping tapno makagun-od ti National Certificates.
Kabinnadang ti TESDA Cordillera ditoy Baguio City ti University of the Cordilleras nga iti agdama ket maidiadiaya kadagiti estyudante ti junior ken senior high school karamanen kadagiti agad-adal iti grade school.
Ti nasao a programa ket nakalukat met laeng kadagiti indibidual nga agtartarigay a maka-adal iti panagaramed iti nagduduma a kagawaan bababen iti prototype modeling ken 3d printing.
Karaman a maisuro kadagiti interesado nga agadal ket ti panagdesenyo wenno lay-out agingga a maka-aramed ti maysa a kagawaan usar ti specialized a computer tapno in-inot nga aramiden na daytoy kas iti keychain, ay-ayam ken dadduma pay.
Dumanon iti mano nga oras iti panagaramed iti nasao a final output depende pay iti maipatungpal a layout ken desenyo.
Ti nasao a programa ket paset iti agtultuloy a panangipaay ti TESDA iti dadduma pay nga alternatibo tapno matulungan dagiti micro, small, ken medium enterprises (MSMEs).
Iti biang ti University of the Cordilleras ket agtultuloy met ti partnership da iti TESDA Cordillera tapno mapalawa pay ti skills training dagiti agtutubo ken dagiti interesado nga indibidual nga agtartarigagay para iti baro a skills wenno training a makatulong para iti pagbiagan dagitoy.| via Bombo JordanTablac
