Ado a lokal a residente ken dagiti turista ti dumardar-ay iti makabulan nga International Food and Craft Expo a masarakan sadiay Juan Luna Drive, asideg iti Rose Garden, Burnham Park, Baguio City a nangrugin idi Abril a otso iti agdama a tawen.
Daytoy ket naituding nga agleppas inton Mayo a syete ita a tawen.
Para ita a maikatlo a tawen ti International Food and Craft Expo, nainayunen dagiti produkto a handcrafted.
Malaksid kadagiti street food, kadagiti local ken international cuisines a maidiadiaya iti publiko.
Ti nasao nga expo ket maysa a wagas daytoy tapno ipakita dagiti business industries dagiti produkto ken serbisyo dagitoy.
Sumagmamano kadagiti handicrafts a produkto a mailaklako iti nasao a Bazaar ket nagtaud pay Bicol.
Kabayatanna, dagiti ipanpannakel ti siudad a Baguio Pasalubong ken daduma pay a produkto ket mabalin a magatang met laeng sadiay.
