Napagnumuan dagiti senator-judges iti impeachment court itay laeng nga i-remand wenno isubli iti House of Representatives dagiti articles of impeachment kontra kenni Vice President Sara Duterte a saan a madismisar wenno ma-terminate dagitoy.
Daytoy ket kalpasan ti attidog a deliberasion dagiti senator-judges.
Ti nagmosion ket ni Senador Alan Peter Cayetano nu sadinno naaprobaran nga addaan ti sangapulo ket walo a pabor, lima a saan a pabor, ken zero ti nag-abstain.
Dagiti senator-judges a saan nga immanmong iti mosion ket da Senator Minority Leader Koko Pimentel, Senadora Risa Hontiveros, Senadora Nancy Binay, Senadora Grace Poe, ken Senador Sherwin Gatchalian.
Immuna a nagmosion ni senator-judge Ronald “Bato” Dela Rosa a madismisar ti impeachment case kontra kenni Sara Duterte.
Dinakamat ni Dela Rosa iti mosionna ti posible a panaglabsing ti one-year ban kadagiti impeachment complaints kontra iti maysa nga impeachable officer.
Kalpasan ti sumagmamano nga oras a panagdebate, nagmosion ni senator-judge Alan Peter Cayetano nga amyendaran ti mosion ni Dela Rosa kadagiti articles of impeachment nga isubli iti House of Representatives a saan a madissmiss wenno materminate dagitoy.
