BAGUIO CITY – Dakkel manen ti agbalin nga epekto ti pammilin ni Baguio City Mayor Benjamin Magalong a panakasuspendir ti isasangbay dagiti non-essential travels kadagiti amin a lugar ditoy pagilian iti sektor ti turismo ti siudad.
Immunan nga imbilin ni Mayor Magalong ti pannakasuspekdir ti panagturong dagiti non-essential travels ditoy siudad nga agtaud kadagiti amin a lugar iti pagilian regardless iti daytoy quarantine classificationda mangrugi ita nga aldaw agingga inton September 19, 2021.
Sigun kenni Andrew Pinero, panakangiwat ti Hotel and Restaurant Association of Baguio, nupay manamnama a dakkel ti agbalin nga epekto daytoy ket supsuportaranda ti baro a pammilin nga ipatungpal ti local a gobierno.
Kinunana nga awan ti mabalinanda gaputa daytoy ket para metlaeng ti pagsayaatan ti siudad tapnu saan a kumaro pay ti sitwasyon ti Baguio gapu iti COVID-19.
Innayonna pay nga iti agdama ket dagiti wagas nga ar-aramiden dagiti nagduduma nga hotels ditoy siudad ket mangipapaay laengen iti promo wenno nalaka a package tapno adda latta ti costumers dagitoy.
Kinunana a kadawyan a costumers dagitoy ket dagiti metlaeng residente ti Baguio City.
