BAGUIO CITY – Pagam-amkan ti Professional Regulation Commission – Cordillera dagiti board examinees nga agbaybayad ti kwarta tapno laeng maipasa da iti examination
Iti interview ti Bombo Radyo kenni Juanita Domogen, Director ti Professional Regulation Commission – Cordillera, ipalpalagipna kadagiti examinees a compiterized ti examination nu sadino awan ti human intervention, rason a napartak ti panagruar ti exam results.
Impettengna nga agadal ken agreview gapu ta basic knowledge ti imemeasure ti licensure examination maipapan kadagiti naadal iti las-ud ti uppat wenno lima a tawen.
“Prior to the conduct of examination, ina-announce natin yun every morning na do not resort into fixing kasi as I have said there’s no human intervention in the checking of the results of the exam.”
Juanita Domogen, Director of Professional Regulation Commission – Cordillera
Maipalagip pay a nakairekord ti Professional Regulation Commission – Cordillera ti sangapulo ket walo a kaso ti fake professionals idi napalpalabas a tawen.
Kabayatanna, agtultuloy ti application para iti August ken September exams pakairamanan ti Social Workers Licensure Examination.
Mapagsagsaganaan pay ti opisina ti Physicians Licensure Examination, Chemists Licensure Examination, Chemical Techicians Licensure Examination, Geodetic Licensure Examination, Electronics Engineer, Electronic Techicians Licensure Examination, ken Veterinarian Licensure Examination inton October.
Iti sabali a bangir, maal-allukoy dagiti professionals nga i-renewda ti ID dagitoy 11 months sakbay nga agpaso ti license dagitoy.
