Ammo yo kadi mga kabombo a naakusaran ti maysa a doctor gapu ta agbuybuya laeng kadagiti online videos no kasano ti pamay-anna a mang-opera iti pasyente-na?
Naakusaran ti maysa nga Indian Doctor kalpasan a pimmusay ti 15-anyos a pasyente gapu ta saanna nga ammo ti ar-aramiden no sadino agbuybuya laeng daytoy iti online videos no kasano a mang-ikkat iti gallbladder stones.
Nabigbig daytoy a ni Ajit Kumar Puri, maysa a doktor iti Ganpati Hospital idiay Saran, India.
Sigun kadagiti pamilya ti pimmusay a pasyente nagturong dagitoy iti nasao nga ospital tapno ipaagas ti anakda ngem idi nakadanun dagitoy natakuatan nga adda gayam ti gallbladder stones ti nasao a pasyente.
Gapu iti daytoy, napagdesisyonan ni Dr. Puri nga operaen daytoy uray awan ti pammalubos dagiti maseknan ngem imbes a successful ti operasyon saan ketdi agsipud ta daytoy payen ti rason no apay a pimmusay ti pasyente.
Dagus met a nangipila dagiti pamilya ti pasyente iti reklamo kontra kenni Dr.Puri ngem saanda a mabirukan daytoy gapu ta dagus metlaeng a nagtaray daytoy kalpasan ti operasyon.
Sigun iti nasao nga ospital kurang ti pannakaammo ken kapadasan ni Dr. Puri rason a kastoy ti napasamak.
Iti baet dayta,impasigurado met dagitoy ti kaskenan a tulong para iti pamilya ti nasao a pasyente.
