--Ads--
BAGUIO CITY – Agtultuloy ti inspeksyon dagiti maseknan nga opisina kadagiti establishments iti siyudad ti Baguio tapno maipasigurado a natalged ken nadalus ti ar-aramaten dagitoy a danum.
Sigun kenni Dra. Celia Flor Brillantes, dadaulo ti City Health Services Office, nainget a suksukimaten dagiti sanitation inspector dagiti food establishments, water sources ken water refilling stations tapno mamonitor ti panagtulnog dagitoy kadagiti protocols.
Inyunay-unay ni Dra. Brillantes a nasken a purified water ti iserbi dagiti food establishments kadagiti kustomerda.
Babaen iti daytoy ket maliklikan ti panagwaras manen ti sakit a gastroenteritis a napasaran idi Enero ti agdama a tawen.
