Naipasidong iti state of calamity ti intero a a probinsya ti Mountain Province, pakairamanan ti Ifugao, ken dadduma a probinsya gapu iti epekto ti bagyo a Nika, Ofel ken Pepito.
Maibasar iti datos ti National Disaster Risk Reduction and Management Council (NDRRMC), agarup dua pulo a siudad ken munisipyo iti Luzon ti karaman iti state of calamity no sadino karaman ditoy dagiti sangapulo ket maysa a lugar iti rehiyon Cordillera, sarunuen ti Cagayan Valley nga addaan iti walo ken Central Luzon a maysa.
Gapu iti dayta, agarup 1.8 million nga indibidual ti naapektaran iti daytoy no sadino 453,809 nga indibidual ti agtaltalanaed paylaeng kadagiti evacuation centers.
Malaksid iti dayta, pito nga indibidual pakairamanan ti 8 year old nga ubing ti pimmusay iti napasamak a panagreggaay idiay Ambaguio, Nueva Vizcaya bayat ti bagyo a Pepito bayat a dua pulo ket lima nga indibidual ti nadangran iti daytoy.
