BAGUIO CITY – Ngimmato ti kaso ti panagtakaw iti umuna a pito a bulan iti agdama a tawen nu idilig idi napalabas a tawen iti Baguio City.
Sigun kenni PMaj. Harriet Bulcio, panakangiwat ti Baguio City Police Office, dumanon iti sangagasut sangapulo ket dua a kaso ti panagtakaw ti nairekord ita a tawen nu idilig iti walo pulo ket walo idi napan a tawen.
Naduktalan a kaadduan kadagiti suspek ket saan a residente ti siudad ti Baguio nu sadino sumagmamano kadagiti suspek ket nagtaud idiay La Union, Manila ken daduma pay a lugar.
Nupay kasta, mapalpalagipan ladta dagiti business owners a nayunan ti security personnels kadagiti establishmento ken kasta met iti pannakainstall kadagiti CCTV iti lugar.
Iti agdama, dumanon iti 1,636 nga establishmento ti addaan ti functional dagiti CCTV-na bayat a 555 ti awanan wenno saan nga agkurkuri ti CCTV-na manipud iti 2,191 a pakabuklan a bilang.
