Nagsagrap iti ‘lacerated wound’ ti kannigid nga ima ti agtawen iti 49, naasawaan, maysa a karpintero ken residente iti Tabora Street, Lower Qurino Hill, Baguio City kalpasan a nadisgrasya iti bukodna a wagas.
Maibasar iti report ti pulisya, napasamak ti insidente iti agarup alas-8 iti agsapa ngem naipadamag laeng ti napasamak iti alas-8:10 iti istasyon iti pulisia.
Napasamak ti insidente iti Lower Pinget Corner, Lower Quirino Hill Bypass Road, Baguio City.
Maibasar iti imbestigasion dagiti otoridad, bayat nga agmanmaneho ti drayber ti lugan a gray ford ranger pick-up a pababa paturong iti Lower Pinget Basketball Court tapno agparada, kellaat a nagpalya ti brake wenno preno ti luganna apaman a nakadanon iti paset iti steep curve a kalsada.
Tapno maliklikan a madungparna ti pedestrian iti baba a kalsada, kinabigna ti manibela paturong iti igid iti waig a gapuanan tapno madungparna dagiti barikada ken agdiretso ken tumpwak iti waig.
Nabaelan ti driver a nakaruar ken pinaka-ammuanna ti baketna.
Naiturong met daytoy iti ospital para iti dagos a pannakataminga ken dagos a na-discharge metlaeng daytoy.
Naala metten manipod iti waig ti lugan ti nasao nga indibidual. | via Bombo Noveh Organo
