Temporaryo a maiparikep ti Lower Bonifacio street mangrugi iti Caltex agingga iti Lower Bonifacio Rotonda iti alas tres ti malem agingga alas dies ti rabii kagiddan ti maudi a 2024 Bar examination a maipatungpal idiay Saint Louis University inton bigat.
Iti pannakiuman ti Bombo Radyo kenni PMaj. Harriet Bulcio, pannakangiwat ti Baguio City Police Office, kinunana a maiparekep ti nasao a kalsada para iti seguridad dagiti examinees agsipud ta adda dagiti person with dissabilities nga ag-exam iti daytoy.
Gapu iti daytoy, nagpalagip manen ti nasao nga opisyal iti publiko partikular dagiti addaan iti lugan a no mabalbalin ket agcommute dagitoy iti kanito nga agturongda iti siudad tapno maliklikan ti nailet a gunay ti trapiko.
Innayonna pay a mabalin a magna kadagiti alternate route kas iti T.Alonzo Street ken dadduma pay.
