BAGUIO CITY – Pakaseknan dagiti opisyales ita ti bogus a land title nu sadino kapada ti land title nga ipapaay ti Registry of Deeds iti siudad.
Iti interview ti Bombo Radyo kenni Councilor Elmer Datuin, adu ti mamati iti nasao a dokumento.
Sumagmamano pay kadagiti daduma ti mangibagbaga nga agpada ti proponent daytoy.
Dagiti daduma pay ket nagbayad ti P100-K agingga P200-K gapu ta mamati da a ti maii-issue a titulo ket kapada ti land title nga ipapaay ti nasao nga opisina.
Nupay kasta, kinuna ni Datuin a manarimaan ti imbestigasyon iti city council.
Nagpalagip met daytoy kadagiti aggatgatang iti titulo nga agridam ken agturong iti Registry of Deeds para iti Certified true copy.
Mapalpalagipan pay dagiti buyers a kanayon nga i-exercise ti due diligence.//Bombo Marinel Rodrigo
