--Ads--
Dumanon iti agarup 45,000 nga indibidual ti naguray iti resulta ti umuna a conclave para iti panagbutos iti baro a Santo Papa iti Sistine Chapel.
Nupay kasta, napaay dagitoy kalpasan nga inruar ti chimney ti Sistine chapel ti nangisit nga asok wenno black smoke.
Mangipakita daytoy nga awan paylaeng ti nabutusan a baro a Santo Papa.
Gapu iti dayta, dagus dagitoy a nagtalaw kalpasan a naimatanganda ti resulta ti umuna a panagbutos dagiti cardinals.
Kabayatanna, maituloy manen ti conclave ita nga aldaw no sadino aguummong manen dagiti Cardinal electors iti Sistine Chapel iti oras ti 10:30 am (Rome time) tapno agbutos manen dagitoy.
