BAGUIO CITY – Mapatta-patta a dumanon iti P2.4-million ti gatadna a fully grown marijuana plants ti dinadael ti dagiti operatiba idiay Brgy. Bugnay, Tinglayan, Kalinga.
Nasarakan ti 800 square meters a plantasyon a nakaimulaan ti agarup 12,000 a pidaso ti marijuana.
Dagus met a dinadael dagiti operatiba daytoy iti mismo a lugar a nakaduktalan iti nasao a mula ken naisubmitir metlaeng ti sample iti Provincial Forensic Unit – Kalinga para iti qualitative test daytoy.
Indauloan ti Tinglayan Municipal Police Station ti nasao nga operasyon kadwa-na ti 2nd Kalinga Provincial Mobile Force Company, Philippine Drug Enforcement Agency Kalinga Provincial Office, ken daduma pay.
Maitunos daytoy iti panggep iti agdama nga administrasyon a magun-od ti illegal drug free ti pagilian a Pilipinas.
