BAGUIO CITY – Nasurok P27.9-million ti gatad ti iligal a droga ti nakumpiskar ken pito nga indibidual ti nakemmeg iti makalawas nga anti-illegal drug operation ti Police Regional Office Cordillera manipud Setyembre 16 agingga Setyembre 22.
Maibasar iti datus ti opisina, pakabuklan a tallo pulo ket maysa (31) nga operasyon ti naipatungpal iti probinsiya ti Abra, Apayao, Benguet, Kalinga ken siudad ti Baguio.
Nakumpiskar ti pakabuklan a 107,430 a pidaso ti Fully Grown Marijuana Plants, 6,276 marijuana seedlings, 51,000 grams ti dried marijuana, ken 12.96 grams ti maatap a shabu.
Kabayatanna, ipakpakita ti napaingetan a panagregget ti PRO-CAR ti saan nga agsardeng a komitment dagitoy kontra iti illegal drug trade tapno mamentinir ti natalged ken seguridad ti komunidad.
