--Ads--
Inaprobaran ti Department of Budget and Management (DBM) ti panakairuar ti dandani P800 million para iti 2023 Performance-Based Bonuses (PBB) dagiti kwalipikado a kameng ti Philippine Navy (PN), Philippine Air Force (PAF), ken ti National Intelligence Coordinating Agency (NICA).
Sigun iti Department of Budget and Management (DBM) ti nasao a gatad ket nairuaren babaen iti separate Special Allotment Release Orders (SAROs).
Kinuna ni Budget Secretary Amenah Pangandaman a ti panang-aprobar dagitoy iti nasao a budget ket kas maitunos iti imbilin ni President Ferdinand Marcos Jr., kas suporta ken panang-apresyar kadagiti nasao a personnel iti agtultuloy a panangprotektarda kadagiti Pilipino.
