--Ads--
Naituding nga ag-epektibo ti kanayunan a sweldo dagiti mangmangged kadagiti pribado a sektor ken kadagiti domestic workers iti rehiyon Cordillera inton December 24, 2024.
Daytoy ket kasaruno ti impablaak ti National Wages and Productivity Commission (NWPC) a baro a wage order nga inruar ti Regional Tripartite Wages and Productivity Board-Cordillera.
Gapu iti dayta, manayunan ti sweldo dagiti domestic workers iti P1,100 tunggal bulan nu sadino, mapagbalin a P6,000 ti binulan a sweldo dagitoy nga iti agdama ket P4,900 laeng.
Malaksid iti dayta, ngumato met iti P40 ti sweldo dagiti mangmangged kadagiti pribado a sektor, manipud iti sigud a sweldo dagitoy a P430 tunggal aldaw ket agbalin a P470.
