Maidagdagadag ken maipalpalagip dagiti pagannurutan ti Commission on Elections kadagiti kandidato mainaig iti panagaramat dagitoy iti social media nu agkampamyada.
Iti panakiuman ti Bombo Radyo kenni Atty. John Paul Martin -Election Officer ti Baguio, impakammona a naki-coordinate ti Commission on Elections iti agtagikua iti META tapno mabantayan dagiti aglabsing bayat ti campaign period dagiti politiko.
Impeksa ni Atty. Martin a nailaylayon agingga March 31, 2025 ti registration dagiti agngayngayangay a kandidto iti social media campaigning.
Sigun kenni Atty. Martin, adda dagiti sumagmamano a saan pay a nakapagrehistro para iti social media campaigning.
Guyguyuguyenna ngrud dagitoy nga irehistroda dagiti social media accounts dagitoy para iti social media campaigningda.
Impaganetgetna a dagiti kandidato a saan pay a nakarehistro ti social media accountsna ngem agaramata iti daytoy ket dakkel a panaglabsing daytoy iti paganurutan ti COMELEC.//Bombo Noveh Organo