BAGUIO CITY – Ibalballakad ti Benguet Police Provincial Office (Benguet PPO) ti panagridam ti publiko kontra kadadagiti peke wenno bogus nga agas a mailaklako ita kadagiti merkado publiko.
Kasaruno paylaeng daytoy ti report ti Benguet PPO a pannakatiliw ti maysa nga medicine distributor nga agilaklako ti peke nga agas iti sumagmamano nfa munisipyo sadiay Benguet.
Maibasar iti report, nagtaud ti suspek sadiay Samar Province ken agdama nga agnanaed sadiay Mankayan, Benguet ken mangipapaay ti bogus nga agas kadagiti munisipyo ti Bokod, Kabaya, Buguias ken Mankayan.
karaman met kadagiti peke nga agas nga ilaklako daytoy dagiti kadawyan a gatgatangen ti publiko kas iti Mefenamic Acid, Paracetamol, Amoxicillin ken dadduma pay.
gapu iti daytoy, ibalballakadda laeng ti pananggatang ti publiko ti kadagiti agas manipod kadagiti establishimento wenno drugstores nga lisensiado ti Food and Drug Administration.
