Nagkampeon ti rehiyon Cordillera iti Kadang-Kadang event, bayat ti larong lahi iti Carasi Cultural and Civic Center sadiay Carasi, Ilocos Norte ita nga aldaw kas paset ti manarimaan a Palarong Pambansa 2025.
Kampeon dagitoy kalpasan a naalada ti 42 seconds iti nasao nga aktibidad kontra kadagiti amin a rehiyon a nakipaset.
Malaksid iti dayta, nag-3rd place metlaeng ti Cordillera kaduada ti Regions 1, 2, 3 iti traditional Patintero competition.
Nakaawat met dagitoy iti medalya ken certificates kas pammabigbig ngem saan a karaman daytoy iti medal tally para iti Palarong Pambansa no sadino arigna a warm-up wenno friendly game daytoy para kadagiti delegado.
Ti larong lahi ket mangipakpakita iti kinapateg ti panangitandudo iti Filipino culture babaen iti local games ken sports.
