BAGUIO CITY – Isagsagot ni Miss Universe Philippines 3rd Runner-Up ken Supranational Philippines 2025 Tarah Valencia ti panangabakna kadagiti umili ti Baguio City, pamilya-na ken kadagiti nangsuporta kenkuana iti nasao a pageant.
Kasaruno daytoy ti naragsak a panangpasangbay dagiti umili kenkuana bayat ti Homecoming motorcade daytoy ita nga aldaw.
Nalaos nga inyebkas ni Valencia ti panagyamanna iti suporta a naawatna partikular kadagiti umili ti siudad.
Kinunana a maragsakan iti naipaay a gundaway kenkuana a mangibagi iti siudad para iti Miss Universe Philippines 2024 tapno maipakita ken maibinglayna met ti kultura ti siudad iti pagilian.
Malaksid iti dayta, kinunana a ti nagbalin a karit bayat ti panakipasetna iti nasao a pageant ket ti panagbalanase-na kadagiti nagduduma a trainings daytoy iti maysa nga aldaw.
Manamnama nga ibagi ni Valencia ti pagilian a Pilipinas para iti Supranational 2025 idiay Poland inton sumaruno a tawen.
