Impakaammo ti Philippine National Police (PNP) a lima nga indibidual ti pimmusay bayat a 7 dagiti mapukpukaw gapu iti epekto ti bagyo a Crising.
Malaksid iti dayta, agarup innem metlaeng nga indibidual ti naipakaammo a nadangran.
Sigun kenni PNP chief Police General Nicolas Torre III, 276 nga indibiduals ti naispal iti rescue operations bayat a 35,000 nga indibiduals ti naipaayan iti tulong ken agdama nga agnanaed kadagiti evacuation centers.
Kinunana nga adda metlaeng ti sumagmamano nga alikamen dagitoy a nadadael bayat a 62 a police personnels ti naapektaran iti nasao a bagyo.
Iti baet dayta, agtultuloy latta a makikikoordinar dagitoy kadagiti Local Government Unit ken dagiti dadduma pay nga ahensya tapno maipasigurado ti seguridad ti publiko.
Kabayatanna, kinunana nga agarup 2,600 a police personnel ti naideploy para iti disaster response operations bayat a 7,000 personnel ti adda iti Reactionary Standby Support Force.
