BALITANG ESPESYAL- Kanayon ka kadi a masapa a sumrek iti trabaho ken mamati ka kadi nga adda ti naikkat iti trabaho gapu iti daytoy?
Sadiay pagilian nga Spain, maysa nga Spanish woman nga agtatrabaho iti delivery company ti kanayon a nasapa a sumrek iti trabahona.
Pagaayatna a sumrek iti nagbaetan ti 6:45 ken 7:00 ti agsapa, imbes a 7:30 iti metlaeng agsapa ti panagrugina iti trabaho.
Binagaan daytoy ti managerda a tungpalenna ti oras iti panagtrabahona.
Sigun iti manager, awanen ti mabati a trabahoen dagiti dadduma nga empleyado no kanayon a masapa a sumrek ti nasao a babae.
Iti baet dayta, impapilitna latta a sinumrek iti nasapa.
Gapu iti dayta, nauma ti manager ken inkeddengna a sisante-en ti babae.
Saan a nagustuan daytoy ti babae isu’t gapuna nga inreklamona ti manager iti korte.
Nupay kasta, naklaat daytoy iti pangngeddeng ti korte no sadino, kinanununganda ti manager daytoy.
Sigun iti korte, saan a nasayaat ti inaramid ti babae no maibasar iti employee-employer relationship kas iti relationship of trust, loyalty ken obedience gapu iti saanna a panangtungpal iti bilin ti manager a saan a masapa a sumrek iti trabaho.
